புற்றடி: தொடர்ந்து வரத்து குறைவால் இடுக்கியில் வரலாறு காணாத அளவுக்கு ஏலக்காய் விலை ரூபாய் 5 ஆயிரத்துக்கு விற்பனை செய்யப்படுகிறது. இந்திய ஏலக்காய் உற்பத்தியில் கேரளா முதலிடம் வகிக்கிறது. இந்நிலையில் கடந்த ஆண்டு தென்மேற்கு பருவமழையின் போது இடுக்கி மாவட்டத்தில் 11 ஆயிரத்து 340 ஏக்கர் அளவிலான ஏலக்காய் தோட்டங்களில் 70 சதவிகிதம் அழிந்து விட்டன. இதனையடுத்து புதிதாக பயிர் செய்யப்பட்ட ஏலச்செடிகள் காய்ப்பிற்கு வர 3 ஆண்டுகளாவது ஆகும் என்ற நிலையில் வெள்ளத்திற்கு தப்பிய ஏலக்காய் செடியில் இருந்து மட்டுமே ஏலக்காய் கிடைத்து வருகிறது.