பெட்ரோல் விலை 9 காசுகள் குறைந்து ரூ.73.08க்கும், டீசல் விலை ரூ.68.05க்கும் விற்பனை

சென்னை: பெட்ரோல் மற்றும் டீசல் விலை தினமும் மாற்றி அமைக்கப்படுகிறது. அதன் அடிப்படையில் இன்றைய பெட்ரோல் விலை லிட்டருக்கு ரூ.73.08 ஆகவும், டீசல் விலை லிட்டருக்கு ரூ.68.05-ஆகவும் நிர்ணயம் செய்யப்பட்டுள்ளது. இந்த விலை இன்று காலை 6 மணி முதல் அமலுக்கு வந்தது.

Advertising
Advertising

சர்வதேச சந்தையில் கச்சா எண்ணெய் விலைக்கேற்ப பெட்ரோல் மற்றும் டீசல் விலையை எண்ணெய் நிறுவனங்கள் மாதம் இருமுறை மாற்றியமைத்து வந்தன.  சுமார் 15 ஆண்டுகளாக பின்பற்றப்பட்டு வந்த இந்த நடைமுறை கைவிடப்பட்டு தினந்தோறும் என்ற அடிப்படையில் பெட்ரோல், டீசல் விற்பனை விலை நிர்ணயிக்கப்பட்டது.

எனினும், கடந்த ஆண்டு இவற்றின் விலை தொடர்ந்து உயர்ந்து கொண்டே சென்றது.  இதில், பெட்ரோல் விலை ரூ.85க்கும் கூடுதலாக விற்பனை செய்யப்பட்டது வாகன ஓட்டிகள் இடையே கடும் அதிர்ச்சியையும், அதிருப்தியையும் ஏற்படுத்தியது.  இதன்பின் பெட்ரோல் விலை குறைய தொடங்கியது.

சென்னையில், நேற்று பெட்ரோல் விலை லிட்டர் ஒன்றுக்கு ரூ.73.17க்கும், டீசல் விலை ரூ.68.11க்கும் விற்கப்பட்டு வந்தது.  கடந்த 2 நாட்களாக ஒரே விலையில் பெட்ரோல் மற்றும் டீசல் விற்கப்பட்டு வந்தது.  இந்நிலையில், சென்னையில் இன்று பெட்ரோல் விலை லிட்டர் ஒன்றுக்கு 9 காசுகள் குறைந்து ரூ.73.08க்கும், டீசல் விலை 6 காசுகள் குறைந்து ரூ.68.05க்கும் விற்பனை செய்யப்படுகிறது.

Related Stories: