தாகா: வெளிநாட்டு சுற்றுப் பயணம் மேற்கொண்ட வங்கதேச பிரதமர் ஷேக் ஹசினாவை அழைத்து வர சிறப்பு விமானத்தில் புறப்பட்ட பைலட், பாஸ்போர்ட் இல்லாமல் கத்தார் விமான நிலையத்தில் சிக்கினார். இதனால், ஷேக் ஹசினாவை அழைத்து வர மாற்று பைலட் அனுப்பப்பட்டார். வங்கதேச பிரதமர் ஷேக் ஹசினா, ஜப்பான், சவுதி அரேபியா, பின்லாந்து ஆகிய நாடுகளுக்கு அரசு முறைப் பயணம் மேற்கொண்டார். இவர் இன்று நாடு திரும்ப வேண்டும். இவரை அழைத்து வருவதற்காக, ‘பிமான் பங்களாதேஷ் ஏர்லைன்ஸ்’ நிறுவனத்தின் பைலட் கேப்டன் பசல் முகமது, சிறப்பு போயிங் விமானத்தில் தாகாவில் இருந்து கத்தார் சென்றார்.