விஜயவாடா: ஆந்திர மாநிலம் விஜயவாடா கனகதுர்க்கை கோயிலுக்கு வரும் பெண்களுக்கு புத்தாண்டு முதல் ஆடை கட்டுப்பாடு நடைமுறை படுத்தப்பட உள்ளது. ஆந்திர மாநிலம் விஜயவாடாவில் இந்திர கீழாத்திரி குன்றின் மீது தொன்மை வாய்ந்த கனக துர்க்கையம்மன் கோவில் உள்ளது. இந்தக் கோவிலில் ஆங்கிலப் புத்தாண்டு நாளில் இருந்து பக்தர்களுக்கு ஆடைக் கட்டுப்பாடு விதிக்கப்படுவதாகச் செயல் அலுவலர் கோடீஸ்வரம்மா தெரிவித்துள்ளார். கோவிலுக்கு வரும் பக்தர்கள் அனைவரும் ஆடைக் கட்டுப்பாட்டைப் பின்பற்ற வேண்டும் என்றும் கோரிக்கை விடுத்துள்ளார்.