சென்னை: ஒன்றிய உள்துறை அமைச்சர் அமித்ஷா 2 நாள் பயணமாக நாளை சென்னை வருகிறார். கிண்டி ஐடிசி நட்சத்திர விடுதியில் தங்கும் அவர் பாஜக நிர்வாகிகளை சந்தித்து ஆலோசனை மேற்கொள்ள உள்ளார். ஒன்றிய உள்துறை அமைச்சர் அமித்ஷா, இரண்டு நாள் பயணமாக நாளை (ஏப்.10) சென்னை வருகிறார். நாளை இரவு 10 மணியளவில் சென்னை விமான நிலையம் வரும் அமித்ஷா, ITC கிராண்ட் சோலா ஹோட்டலில் தங்குகிறார்.

நாளை மறுநாள் (வெள்ளிக்கிழமை) காலை 10 மணி முதல் மாலை 4 மணி வரை பாஜக நிர்வாகிகள் உள்ளிட்ட பல்வேறு தரப்பினரை அமித்ஷா சந்தித்து ஆலோசனை மேற்கொள்ள உள்ளார். மேலும் 2026 தேர்தல் குறித்து ஆலோசனை நடத்தவுள்ளதாகவும் தகவல்கள் வெளியாகியுள்ளன. தற்போது தமிழகத்தில் நிலவும் பரபரப்பான அரசியல் சூழலில், அமித்ஷாவின் வருகை முக்கியத்துவம் வாய்ந்ததாக பார்க்கப்படுகிறது. தமிழக பாஜக தலைவர் தேர்ந்தெடுக்கப்பட உள்ள நிலையில், அமித்ஷா வருகை முக்கியத்துவம் வாய்ந்த‌தாக உள்ளது.

 

The post 2 நாள் பயணமாக நாளை சென்னை வருகிறார் ஒன்றிய உள்துறை அமைச்சர் அமித்ஷா! appeared first on Dinakaran.