சென்னை: சட்டப்பேரவை வளாகத்தில் விசிக எம்எல்ஏ சிந்தனை செல்வன் அளித்த பேட்டி: காலாவதியான சுங்கச்சாவடிகளை அகற்ற வேண்டும் என தொடர்ந்து கோரிக்கை வைத்து வருகிறோம். 15 ஆண்டுகளை கடந்து செயல்படும் சுங்கச்சாவடிகளை உடனடியாக மூட வேண்டும். மாநில அரசை கேட்காமல் கட்டணத்தை உயர்த்துவது சுரண்டலாகவும் ஒடுக்குமுறையாகவும் மாநில உரிமைக்கு எதிராகவும் உள்ளது. சுங்கச்சாவடி கட்டணத்தை மத்திய அரசு திரும்ப பெற வேண்டும் என வலுவான கோரிக்கையை அனைத்து கட்சிகளும் ஒன்றிணைந்து முன் வைக்க வேண்டும்.
நேரடியாக கவன ஈர்ப்பு தீர்மானம் கொண்டுவரப்படவில்லை என்றாலும் மத்திய அரசு அடாவடித்தனத்தோடு நடந்து கொண்டிருக்கிறது என பொதுப்பணித்துறை அமைச்சர் அம்பலப்படுத்தி இருக்கிறார். சுங்கசாவடிகள் கட்டணத்தை குறைக்கவும் சுங்க சாவடிகளை அகற்றவும் தமிழக அரசு தொடர்ந்து நடவடிக்கை எடுக்க வேண்டும் இவ்வாறு அவர் கூறினார்.
தொடர்ந்து விசிக சட்டமன்ற உறுப்பினர் எஸ்.எஸ்.பாலாஜி அளித்த பேட்டி: மற்ற நாடுகளில் உள்ள சுங்கச்சாவடிகளுக்கும் நமது நாடுகளில் உள்ள சுங்கச்சாவடிகளுக்கும் நிறைய வித்தியாசம் உள்ளது. சுங்கச்சாவடிகளுக்கு கட்டணம் செலுத்தும் சாலைகள் தரமானதாக இருக்க வேண்டும். மாநில அரசின் அதிகாரங்களை மத்திய அரசு பறித்துக் கொள்கிறது. சுங்கச்சாவடி என்பது தவறான நடைமுறை. சாலைகளை கட்டமைக்க மிகப்பெரிய தொகை தேவைப்படுகிறது. என்பதற்காக சுங்கச்சாவடி கட்டணம் வாங்கப்படுகிறது என கூறப்படுகிறது. அதற்காகத்தான் தொடர்ந்து 15 ஆண்டு காலாவதியான சுங்கச்சாவடிகளை அப்புறப்படுத்தாமல் இருக்கிறது.
பராமரிப்பு காரணமாக சுங்கச்சாவடி கட்டணத்தை வாங்குகிறோம் என மத்திய அரசு கூறுவது மோசடி செய்வது போல் உள்ளது. பராமரிப்பு பணிக்கு கட்டணத்தை உயர்த்துவது மக்களை சுரண்டுவதற்கு சமமாக உள்ளது. இவ்வாறு அவர் கூறினார்.
The post சுங்கச்சாவடி கட்டண உயர்வு மூலம் மறைமுகமாக கொள்ளை அடிக்கிறது ஒன்றிய அரசு: சட்டப்பேரவை வளாகத்தில் வி.சி.க.எம்எல்ஏக்கள் பேட்டி appeared first on Dinakaran.
