அப்போது, எனது மகளை தனியார் மருத்துவ கல்லூரியில் சேர்க்க வேண்டும் என்று நான் அவரிடம் கூறினேன். அதற்கு விஜயகுமார், தனது மகளுக்கு வெளிமாநிலத்தில் உள்ள ஏதாவது ஒரு தனியார் மருத்துவ கல்லூரியில் எம்பிபிஎஸ் சீட் வாங்கி தருவதாக உறுதி அளித்தார். இதற்காக ரூ.71.63 லட்சம் பெற்றார். ஆனால் சொன்னப்படி எனது மகளுக்கு எந்த கல்லூரியிலும் சீட் வாங்கி தரவில்லை. எனவே அவர் மீது உரிய நடவடிக்கை எடுக்க வேண்டும், என்று தெரிவித்து இருந்தார்.
இதுகுறித்து நடவடிக்கை எடுக்க போலீஸ் கமிஷனர் அருண் உத்தரவுப்படி மத்திய குற்றப்பிரிவு துணை கமிஷனர் கீதாஞ்சலி மேற்பார்வையில் உதவி கமிஷனர் சிவா மற்றும் இன்ஸ்பெக்டர் சிவகுமார் தலைமையிலான குழுவினர் விசாரணை நடத்தினர். அப்போது சீயோன் ஆன்லைன் சேவை நடத்தி வரும் வடலபள்ளி விஜயகுமார், இதுபோல் பலரிடம் மருத்துவ சீட் வாங்கி தருவதாக பல லட்சம் பறித்தது தெரியவந்தது.
இவர் மீது ஆந்திர மாநிலம் நெல்லூர் வேதபாளையம் காவல் நிலையம், தர்காமிட்டா காவல் நிலையத்தில் மோசடி வழக்குகள் நிலுவையில் இருப்பதும் தெரியவந்தது. அதைதொடர்ந்து தனிப்படை போலீசார் ஆந்திரா சென்று அம்மாநில போலீசார் உதவியுடன் வடலபள்ளி விஜயகுமாரை ஓங்கோல் பகுதியில் கைது செய்து, சென்னைக்கு அழைத்து வந்து, சிறையில் அடைத்தனர்.
The post மருத்துவ கல்லூரியில் சீட் வாங்கி தருவதாக ரூ.71.63 லட்சம் நூதன மோசடி செய்தவர் ஆந்திராவில் கைது appeared first on Dinakaran.