திருவள்ளூர்: காவல் பயிற்சி பள்ளியில் பயிற்சி எடுத்து வரும் 283 பெண் பயிற்சி காவலர்களுக்கு டிஐஜி ஆனி விஜயா அறிவுரை வழங்கினார். திருவள்ளூர் மாவட்டத்தில் புதிதாக தேர்வு செய்யப்பட்ட 283 பெண் பயிற்சி காவலர்கள் தற்போது எஸ்.பி அலுவலம் அருகே உள்ள காவலர் பயிற்சி பள்ளியில் பயிற்சி எடுத்து வருகின்றனர். இவர்களை, திருவள்ளூர் காவல் பயிற்சி பள்ளியில் காவல்துறை துணைத் தலைவர் ஆனி விஜயா நேற்றுமுன்தினம் வருகை தந்து பார்வையிட்டார். அப்போது, அந்த காவலர்களிடையே பேசும்போது, காவல்துறையில் பெண்கள் ஆற்றும் பணி மிகவும் சவாலானது.

அதில் பெண்கள் சிறந்த முறையில் பணிபுரிந்து தமிழக காவல் துறைக்கு பெருமை சேர்க்க வேண்டும். மேலும் காவலர்கள் பயிற்சி காலத்தில் கடைபிடிக்க வேண்டிய நெறிமுறைகள் மற்றும் அளிக்கப்படும் பயிற்சிகள் பற்றியும் எடுத்துரைத்தார். மேலும் பெண் பயிற்சி காவலர்கள் மேற்கொள்ளும் பயிற்சி ஒரு சிறந்த அனுபவமாகவும் மற்றும் தன்னம்பிக்கை தருவதாகவும் இருப்பதாக பேசினார். இந்த நிகழ்ச்சியில் காவல் பயிற்சி பள்ளி துணை முதல்வர் ஆ.கணேஷ் குமார் மற்றும் காவல் அதிகாரிகள் மற்றும் காவல் அதிகாரிகள் இருந்தனர்.

The post காவல் பயிற்சி பள்ளியில் 283 பெண் பயிற்சி காவலர்களுக்கு அறிவுரை appeared first on Dinakaran.