செங்கல்பட்டு: செங்கல்பட்டு அடுத்த பினாயூர் பகுதியை சேர்ந்தவர் கார்த்திக். இவரது, உறவினரான மகேஸ்வரியை ஏற்றிக்கொண்டு திம்மாவரம் நோக்கி வந்துள்ளார். அப்போது, கார்த்திக் மதுபோதையில் இருந்ததால், வரும் வழியில் ஒரக்காட்பேட்டை பகுதியில் ஸ்கூட்டியில் வந்த மீன் வியாபாரி, பள்ளி ஆட்டோ மீது கார் மோதியுள்ளது.

இதில், ஆட்டோவில் வந்த, சிதண்டி மண்டபம் பகுதியை சேர்ந்த குமரேசன் என்பவரது மனைவி சுகுணா (31), இவரது மகன் விசாகன் (5), மகள் யாஷிகா (7), மற்றும் அதே பகுதியை சேர்ந்த கலைமணி மகன்கள் கிருஸ்வந்த் (13), சஸ்வந்த் (11 ஆகிய பள்ளி குழந்தைகள், மீன் வியாபாரி, காரில் வந்த மகேஸ்வரி, ஆட்டோ டிரைவர் சதீஷ்குமார் உள்பட 8 பேர் படுகாயமடைந்தனர்.

தகவல் அறிந்த சம்பவ இடத்திற்கு வந்த செங்கல்பட்டு தாலுகாா போலீசார் பள்ளி மாணவர்கள் செங்கல்பட்டு தனியார் மருத்துவமனையிலும், மற்ற நான்கு பேரும் செங்கல்பட்டு அரசு மருத்துவமனையிலும் சிகிச்சைக்கு அனுப்பி வைத்தனர்.இதில், ஆட்டோ டிரைவருக்கு கண் முற்றிலும் பாதிக்கப்பட்டது. மகேஸ்வரிக்கு கால் முறிவு ஏற்பட்டுள்ளது. போலீசார், ஸ்கார்பியோ காரை பறிமுதல் செய்து மதுபோதையில் காரை ஓட்டிவந்து விபத்தை ஏற்படுத்திய கார்த்திக் மீது வழக்கு பதிவு செய்து விசாரணை மேற்கொண்டு வருகின்றனர்.

The post மதுபோதையில் ஓட்டி வந்த கார் மோதி பள்ளி குழந்தைகள் உள்பட 8 பேர் படுகாயம்: செங்கல்பட்டு அருகே பரபரப்பு appeared first on Dinakaran.