திருமலை: வனப்பகுதியில் கல்லால் முகம் சிதைக்கப்பட்டு நிர்வாண நிலையில் இளம்பெண் கொலை செய்யப்பட்டுள்ளார். இதுதொடர்பாக அவரது கணவரின் சிறை நண்பரை போலீசார் தேடி வருகின்றனர். ஆந்திர மாநிலம் கடப்பா மாவட்டம் பாப்பிரெட்டிப்பள்ளி கிராமத்தில் உள்ள வனப்பகுதியில் அப்பகுதியை சேர்ந்தவர்கள் நேற்று வழக்கம்போல் கால்நடைகளை மேய்க்க சென்றனர். அப்போது அங்கு மறைவான இடத்தில் முகம் சிதைக்கப்பட்ட நிலையில் நிர்வாணமாக இளம்பெண் ​​சடலம் கிடப்பதை பார்த்து அதிர்ச்சி அடைந்தனர். இதுகுறித்து போலீசாருக்கு தகவல் கொடுத்தனர். அதன்பேரில் போலீசார் சம்பவ இடத்திற்கு வந்து சடலத்ைத கைப்பற்றி விசாரணை மேற்கொண்டனர். இறந்த பெண் முகம் சிதைக்கப்பட்டு ரத்த வெள்ளத்தில் நிர்வாணமாக கிடந்தார். எனவே அவர் கல்லால் தாக்கி கொலை செய்யப்பட்டடிருக்கலாம் என தெரிகிறது.

அவரது கையில் வரையப்பட்டிருந்த ‘டாட்டூ’ வைத்து விசாரணை நடத்தினர். இதில் ​​இறந்தவர் அதே பகுதியை சேர்ந்த நசீர் என்பவரின் மனைவி கரிம்முனிஷா (30) என தெரியவந்தது. பின்னர் சடலத்தை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இதனையடுத்து எஸ்பி வித்யாசாகர் தலைமையிலான போலீசார், கரிம்முனிஷாவை கொலை செய்தவர்கள் குறித்து தீவிரமாக விசாரணை நடத்தினர். இதில் கரிம்முனிஷாவின் கணவர் நசீர், ஒரு வழக்கில் சிறைக்கு சென்றுள்ளார். அப்போது சிறையில் அவருக்கும் அதே பகுதியைச் சேர்ந்த பாஸ்கர் என்பவருக்கும் பழக்கம் ஏற்பட்டுள்ளது. இதையடுத்து சில நாட்களில் சிறையில் இருந்து வெளியே வந்த பாஸ்கர், நசீரை சந்திக்க அடிக்கடி அவரது வீட்டுக்கு சென்றுள்ளார்.

இந்நிலையில் நேற்று கரிம்முனிஷா சடலமாக கண்டெடுக்கப்பட்ட நிலையில் பாஸ்கர் திடீரென தலைமறைவாகியுள்ளார். எனவே இந்த கொலைக்கும், அவருக்கும் சம்பந்தம் இருக்கலாம் என போலீசாருக்கு சந்தேகம் ஏற்பட்டது. இதனால் அவரை பிடிக்க போலீசார் தனிப்படை அமைத்துள்ளனர். பாஸ்கரை பிடித்ததால்தான் கொலைக்கான காரணம் தெரிய வரும் என்று போலீசார் தெரிவிக்கின்றனர்.

The post கல்லால் முகம் சிதைத்து பெண் கொலை: கணவரின் சிறை நண்பருக்கு வலை appeared first on Dinakaran.