சேலம்: சேலத்தில் தங்கியிருந்த எடப்பாடி பழனிசாமிக்கு திடீர் உடல்நலக்குறைவு ஏற்பட்டதால், பார்க்க வந்த கட்சியினர் திரும்பிச் சென்றனர். அதிமுக பொதுசெயலாளர் எடப்பாடி பழனிசாமி கடந்த சில நாட்களுக்கு முன்பு சென்னையில் இருந்து சேலம் வந்தார். அவருக்கு மேச்சேரியில் விவசாயிகள் சார்பில் பாராட்டு விழா நடத்தப்பட்டது. பின்னர் சேலத்தில் நடந்த கட்சி நிர்வாகிகள் இல்ல திருமண விழாவில் பங்கேற்றார். நேற்றுமுன்தினம் காலை மேச்சேரிக்கு சென்று வந்தார்.

சேலம் நெடுஞ்சாலை நகரில் தங்கியிருக்கும் அவருக்கு நேற்றுமுன்தினம் மதியத்திற்கு மேல் திடீரென உடல்நலம் பாதிக்கப்பட்டது. கால் வலியால் அவதிப்பட்டு வந்ததாக தெரிகிறது. இதனால் அவர் கட்சியினரை சந்திக்கவில்லை. நேற்றும் அவரை பார்த்து திருமணத்திற்கான அழைப்பிதழ் வைப்பதற்காக கட்சியினர் வந்தனர். அப்போதும் உடல் நிலை சரியில்லை என கூறி திருப்பி அனுப்பி வைத்துவிட்டனர். இதற்கிடையில் நேற்று மாலை 3 மணிக்கு சேலத்தில் இருந்து விமானம் மூலம் அவர் சென்னை புறப்பட்டு சென்றார்.

 

The post எடப்பாடி பழனிசாமிக்கு திடீர் உடல் நலக்குறைவு appeared first on Dinakaran.