மேலும், சென்னை மற்றும் காஞ்சிபுரம் மின் பகிர்மான மண்டலங்களில் இதுவரை 5,433 வளைய சுற்றுத்தர அமைப்புகள் ரூ.785 கோடி செலவில் மேற்கொள்ளப்பட்டு பணிகள் முழுவதுமாக நிறைவடைந்துள்ளதாகவும், சென்னை மண்டலத்தில் கூடுதலாக 310 வளைய சுற்றுத்தர அமைப்புகள் ரூ.51 கோடி செலவில் நிறுவ திட்டமிடப்பட்டுள்ளதாகவும் அதிகாரிகள் எடுத்துரைத்தனர். எதிர்வரும் கோடைகால மின் பளுவினை எதிர்கொள்ளும் விதமாக, சென்னை மண்டலத்தில் மாதவரம் ரேடியன்ஸ், மகாகவி பாரதியார் நகர், பருத்திப்பட்டு, சதர்ன் அவென்யூ, சோழவரம், புதுப்பேட்டை, முண்டக்கன்னியம்மன் கோவில், டேவிட்சன் தெரு, கணேஷ் நகர் ஆகிய 9 இடங்களில் துணை மின் நிலையங்கள் ரூ.176 கோடி மதிப்பீட்டில் அமைக்க திட்டமிடப்பட்டுள்ளதாகவும், அதேபோல், காஞ்சிபுரம் மண்டலத்தில் ஏஏஐ ஊழியர்கள் குடியிருப்புகள், மாங்காடு ஆல்டிஸ், அரசன்கழனி மற்றும் குறிஞ்சி நகர் ஆகிய 4 இடங்களில் துணை மின் நிலையம் ரூ.96.20 கோடி செலவில் நிறுவ திட்டமிடப்பட்டுள்ளதாகவும் அமைச்சர் செந்தில் பாலாஜி தெரிவித்தார். மேலும், சென்னை மண்டலத்தை பொறுத்தவரை தற்போது துணைமின் நிலையங்களில் இயக்கத்தில் உள்ள 16 மின் மாற்றிகளின் திறனை தரம் உயர்த்திடவும், இதே போன்று, காஞ்சிபுரம் மண்டலத்தில் 5 மின் மாற்றிகளின் திறனை தரம் உயர்த்திடும் பணிகளை மேற்கொள்ள திட்டமிடப்பட்டுள்ளதாகவும் அமைச்சர் கூறினார்.
The post சென்னையில் ரூ.176 கோடி மதிப்பீட்டில் 9 துணை மின்நிலையம் அமைக்க திட்டம்: அமைச்சர் செந்தில்பாலாஜி தகவல் appeared first on Dinakaran.