நாமக்கல், நவ.17: நாமக்கல் அருகே செல்லப்பா காலனி பகுதியைச் சேர்ந்த 17 வயது மாணவர், அங்குள்ள தனியார் பள்ளியில் பிளஸ் 1 படித்து வருகிறார். கடந்த 14ம் தேதி நண்பர்களுடன் கொசவம்பட்டி பஸ் ஸ்டாப் பகுதியில் உள்ள உள்ள ஒரு ஓட்டலுக்கு சாப்பிட சென்றுள்ளார். அதே பகுதியைச் சேர்ந்த மல்லாயி(எ) சவுந்தர்ராஜன்(38) என்பவரும், சாப்பிடுவதற்காக சென்றுள்ளார். அங்கு மாணவர் மற்றும் அவரது நண்பர்கள் சத்தமாக பேசிக்கொண்டிருப்பதை பார்த்து, சவுந்திரராஜன் திட்டியுள்ளார்.

இதுதொடர்பாக அவர்களுக்கிடையே தகராறு ஏற்பட்டுள்ளது. இதில், ஆத்திரமடைந்த சவுந்தர்ராஜன், மாணவரை கையாலும்- கட்டையாலும் சரமாரி தாக்கினார். இதுகுறித்த புகாரின்பேரில், நாமக்கல் போலீசார் வழக்குப்பதிந்து சவுந்தர்ராஜனை கைது செய்தனர். இவர் மீது ஏற்கனவே கொலை முயற்சி உள்ளிட்ட வழக்குகள் உள்ளது குறிப்பிடத்தக்கது.

The post பள்ளி மாணவனை தாக்கிய வாலிபர் கைது appeared first on Dinakaran.