சென்னை: சினிமா பைனான்சியருக்கு சொந்தமான வெள்ளி விற்பனை கடையில் 10 கிலோ வெள்ளி மற்றும் ரூ.5 லட்சம் ரொக்கத்துடன் தலைமறைவான ஊழியரை போலீசார் தேடி வருகின்றனர். ஆழ்வார்பேட்டை கோ அப்டேக்ஸ் காலனியை சேர்ந்தவர் சந்திர பிரகாஷ். சினிமா பைனான்சியராக உள்ளார். இவரது மகன் தினேஷ், ஆழ்வார்பேட்டை செனடாப் 2வது லேன் பகுதியில் வெள்ளி பொருட்கள் விற்பனை கடை நடத்தி வருகிறார். இவரது கடையில் பாபுலால் என்பவர் பணியாற்றி வருகிறார். இவர் கடந்த 2 நாட்களாக கடைக்கு வேலைக்கு வரவில்லை. அவரை தொடர்பு கொண்ட போது, அவரது செல்போன் அனைத்து வைக்கப்பட்டிருந்தது. இதனால் சந்தேகமடைந்த கடையின் உரிமையாளர் தினேஷ் கடையில் உள்ள வெள்ளி பொருட்களை கணக்கெடுத்த போது, அதில் 10 கிலோ வெள்ளி மற்றும் ரூ.5 லட்சம் ரொக்கம் மாயமாகி இருந்தது. உடனே சம்பவம் குறித்து தினேஷ் தேனாம்பேட்டை காவல் நிலையத்தில் புகார் அளித்தார். அந்த புகாரின் படி தலைமறைவாக உள்ள பாபுலாலை போலீசார் தேடி வருகின்றனர்.

The post சினிமா பைனான்சியரின் கடையில் 10 கிலோ வெள்ளி ரூ.5 லட்சம் திருட்டு: ஊழியருக்கு வலை appeared first on Dinakaran.