இந்த நிலையில், புதுச்சேரியிலிருந்து விமானங்களை பெங்களூரு, ஐதராபாத்துக்கு இயக்குவதை கடந்த மார்ச் 30ம் தேதியுடன் தனியார் நிறுவனம் (ஸ்பைஸ் ஜெட்) நிறுத்தியது. கடந்த ஆறு மாதங்களாக விமானங்கள் ஏதும் புதுச்சேரியில் இருந்து இயக்கப்படவில்லை. புதுச்சேரியில் இருந்து மீண்டும் விமான சேவை துவங்க புதுச்சேரி அரசு முடிவு செய்துள்ளது. இதற்காக தனியார் விமான நிறுவனத்துடன் (இண்டிகோ) பேச்சுவார்த்தை நடத்தியது. இந்நிலையில், புதுச்சேரி விமான நிலையத்திலிருந்து மீண்டும் விமான சேவை அடுத்து மாதம் தொடங்க உள்ளது.
அதன்படி நாள்தோறும் பெங்களூரிலிருந்து காலை 11.10 மணிக்கு விமானம் புறப்பட்டு, மதியம் 12.25 மணிக்கு புதுவைக்கு வருகிறது. பின்னர் மாலை 5.10 மணிக்கு புதுவையிலிருந்து புறப்பட்டு, மாலை 6.35 மணிக்கு பெங்களூரு சென்றடைகிறது. இதேபோல் மதியம் 12.45 மணிக்கு புதுவையிலிருந்து புறப்பட்டு, மதியம் 2.30 மணிக்கு ஐதராபாத் சென்றடைகிறது. மறுமார்க்கத்தில் மதியம் 3.05 மணிக்கு ஐதராபாத்திலிருந்து புறப்பட்டு, மாலை 4.50 மணிக்கு புதுவைக்கு வந்தடைகிறது.
The post புதுவை டூ பெங்களூரு, ஐதராபாத் டிச.20ம் தேதி முதல் விமான சேவை appeared first on Dinakaran.