இருவரும் 7வது விக்கெட்டுக்கு 119 ரன் சேர்த்தனர். முல்டர் 54 ரன் எடுத்து வெளியேற, அடுத்து வந்த மகராஜ் சந்தித்த முதல் பந்திலேயே டக் அவுட்டானார். வெர்ரைன் – டேன் பியட் இணைந்து 9வது விக்கெட்டுக்கு 66 ரன் சேர்க்க, தென் ஆப்ரிக்கா ஸ்கோர் கணிசமாக உயர்ந்தது. பியட் 32 ரன், வெர்ரைன் 114 ரன் (144 பந்து, 8 பவுண்டரி, 2 சிக்சர்) விளாசி பெவிலியன் திரும்ப, தென் ஆப்ரிக்கா முதல் இன்னிங்சில் 308 ரன் குவித்து ஆல் அவுட்டானது. ரபாடா 2 ரன்னுடன் ஆட்டமிழக்காமல் இருந்தார். வங்கதேச பந்துவீச்சில் தைஜுல் இஸ்லாம் 5 விக்கெட், ஹசன் மகமது 3, மெஹிதி ஹசன் மிராஸ் 2 விக்கெட் எடுத்தனர்.
இதைத் தொடர்ந்து, 202 ரன் பின்தங்கிய நிலையில் 2வது இன்னிங்சை தொடங்கிய வங்கதேசம் 2ம் நாள் முடிவில் 3 விக்கெட் இழப்புக்கு 101 ரன் எடுத்துள்ளது (27.1 ஓவர்). ஷத்மன் இஸ்லாம் 1, மோமினுல் ஹக் 1, கேப்டன் ஷான்டோ 23 ரன்னில் வெளியேறினர். ஹசன் ஜாய் 38 ரன், முஷ்பிகுர் 31 ரன்னுடன் களத்தில் உள்ளனர். கை வசம் 7 விக்கெட் இருக்க, இன்னிங்ஸ் தோல்வியை தவிர்க்கவே இன்னும் 101 ரன் தேவை என்ற நிலையில் வங்கதேசம் இன்று 3ம் நாள் சவாலை சந்திக்கிறது.
The post 2வது இன்னிங்சில் வங்கதேசம் 101/3: தென் ஆப்ரிக்கா 308 ரன் குவிப்பு appeared first on Dinakaran.