விழுப்புரம், நவ. 16: தெற்கு ரயில்வேயின் திருச்சி கோட்ட அலுவலகம் வெளியிட்டுள்ள செய்திகுறிப்பு: தெற்கு ரயில்வேயின் திருச்சி கோட்டத்துக்கு உட்பட்ட விழுப்புரம்-புதுச்சேரி ரயில் வழித்தடத்தில் சின்னபாபுசமுத்திரம்-புதுச்சேரி ரயில் நிலையங்களுக்கு இடைப்பட்ட பகுதியில் பொறியியல் பணிகள் மேற்கொள்ளப்படவுள்ளன. இதனால் திருப்பதியிலிருந்து காலை 4 மணிக்கு புறப்படும் வண்டி எண் 16111 திருப்பதி-புதுச்சேரி முன்பதிவில்லா விரைவு ரயில், நவம்பர் 16 மற்றும் 18 ஆகிய தேதிகளில் விழுப்புரம்-புதுச்சேரி இடையே பகுதியளவில் ரத்து செய்யப்பட்டுள்ளது. இந்த ரயில் விழுப்புரத்துடன் நிறுத்தப்படும். இதுபோல புதுச்சேரியிலிருந்து மாலை 4 மணிக்கு புறப்படும் வண்டி எண் 06026 புதுச்சேரி-சென்னை எழும்பூர் முன்பதிவில்லா சிறப்பு விரைவு ரயில் நவம்பர் 16, 18 ஆகிய தேதிகளில் புதுச்சேரி-விழுப்புரம் இடையே பகுதியளவில் ரத்து செய்யப்பட்டுள்ளது. இந்த ரயில் மாலை 4.45 மணிக்கு விழுப்புரத்திலிருந்து சென்னை எழும்பூருக்கு புறப்பட்டுச் செல்லும். இவ்வாறு இதில் கூறப்பட்டுள்ளது.

The post சென்னை, திருப்பதி செல்லும் ரயில் விழுப்புரத்துடன் நிறுத்தம் appeared first on Dinakaran.