சத்தியமங்கலம் புலிகள் காப்பக வனப்பகுதியில் திம்பம் மலை உள்ளது. கடல் மட்டத்திலிருந்து 1140 மீட்டர் உயரமுள்ள இந்த திம்பம் மலை உச்சியில் ஊட்டியில் உள்ளது போன்ற குளிர்ந்த சீதோஷ்ண நிலை காணப்படும். சத்தியமங்கலம்-மைசூர் தேசிய நெடுஞ்சாலையில் திம்பம் மலைப்பகுதியில் 27 கொண்டை ஊசி வளைவுகளுடன் கூடிய மலைப்பாதை அமைந்துள்ளது. திம்பம் மலைப்பகுதியில் கடந்த சில நாட்களாக தொடர்ந்து மழை பெய்து வருகிறது.இதன்காரணமாக காய்ந்துகிடந்த வனப்பகுதி பச்சை பசேலென மாறி அழகாக காட்சி அளிக்கிறது.