நாக்பூர்: நாக்பூரில் நர்சிங் மாணவி ஒருவரை மதப் பெயரைச் சொல்லி ஏமாற்றி பாலியல் பலாத்காரம் செய்த நபர் மீது போலீசார் வழக்குப்பதிவு செய்துள்ளனர். மகாராஷ்டிர மாநிலம் நாக்பூரில் உள்ள கல்லூரி ஒன்றில் படித்து வரும் நர்சிங் மாணவி (22) ஒருவருக்கு, இணையதள டேட்டிங் செயலி மூலம் அணுஜ் பாதி என்ற பெயரில் ஒரு நபரின் அறிமுகம் கிடைத்துள்ளது. தன்னை அணுஜ் பாதி என்று அறிமுகப்படுத்திக் கொண்ட அந்த நபர், செல்போன் மற்றும் குறுஞ்செய்திகள் மூலம் மாணவியுடன் பழகி, அவரை திருமணம் செய்து கொள்வதாகக் கூறி ஆசை வார்த்தைகளை அள்ளி வீசியுள்ளார்; அவரது பேச்சை நம்பிய மாணவியை, கடந்த 19ம் தேதி வர்தா சாலையில் உள்ள ஒரு ஓட்டல் அறைக்கு வரவழைத்து, திருமணம் செய்து கொள்வதாக உறுதியளித்து பாலியல் பலாத்காரம் செய்துள்ளார்.

மறுநாள் அந்த நபர் மாணவியுடன் நகரின் பல்வேறு பகுதிகளுக்குச் சென்றுவிட்டுச் சென்றுவிட்டார்; இந்நிலையில், அந்த நபரின் முன்னாள் காதலி பாதிக்கப்பட்ட மாணவியைத் தொடர்பு கொண்டு, உங்களை ஏமாற்றிய நபரின் உண்மையான பெயர் அன்வர் கான் என்றும், அவர் ராஜஸ்தான் மாநிலம் ஜோத்பூரைச் சேர்ந்தவர் என்றும் கூறி அதிர்ச்சி தகவலை அம்பலப்படுத்தியுள்ளார். தனது உண்மையான அடையாளத்தை மறைத்து, திருமண ஆசை காட்டி ஏமாற்றியதாக அந்த மாணவி அளித்த புகாரின் பேரில், சோனேகான் போலீசார் அன்வர் கான் மீது பாலியல் பலாத்காரம்,

ஏமாற்றுதல் மற்றும் மிரட்டல் ஆகிய பிரிவுகளின் கீழ் வழக்குப்பதிவு செய்து விசாரணை நடத்தி வருகின்றனர்; தப்பியோடிய அன்வர் கானை பிடிக்க அவரது செல்போன் அழைப்பு விவரங்கள் மற்றும் ஓட்டல் முன்பதிவுகளை போலீசார் ஆய்வு செய்து வருகின்றனர்.