லண்டன்: பாகிஸ்தானுக்கு எதிரான டெஸ்ட் தொடரை, வங்கதேசம் அணி கைப்பற்றியதை அடுத்து, உலக டெஸ்ட் சாம்பியன்ஷிப் (டபிள்யுடிசி) புள்ளிப் பட்டியலில் இந்தியா 6ம் இடத்துக்கு சரிந்துள்ளது. பாகிஸ்தானுக்கு எதிராக நேற்று முடிந்த 2வது டெஸ்ட் போட்டியில் வங்கதேசம் அணி அபார வெற்றி பெற்று தொடரை கைப்பற்றியது. அதையடுத்து, வங்கதேசம், உலக டெஸ்ட் சாம்பியன்ஷிப் புள்ளிப் பட்டியலில் 5ம் இடத்துக்கு முன்னேறியது. டபிள்யுடிசி போட்டிகளின் முதல் இரு தொடர்களின் இறுதிப் போட்டிகளில் இந்தியா ஆடியது. அதற்கு மாறாக, தற்போதைய தொடரில், 6ம் இடத்துக்கு தள்ளப்பட்டுள்ளது. ஆசிய நாடுகளில் பாகிஸ்தானுக்கு ஒரு படி மேலாக இந்தியா உள்ளது.

டபிள்யுடிசி புள்ளிப்பட்டியலில் ஆஸ்திரேலியா அணி 87.50 சதவீத வெற்றியுடன் முதலிடத்திலும், நியூசிலாந்து அணி, 77.78 சதவீத வெற்றியுடன் 2ம் இடத்திலும் உள்ளன. முதல் இரு இடங்களை பிடிக்கும் அணிகள், டபிள்யுடிசி இறுதிப் போட்டியில் மோதும். இப்பட்டியலில் தென் ஆப்ரிக்கா, 75 சதவீத வெற்றியுடன் 3ம் இடத்திலும், இலங்கை அணி, 66.67 சதவீத வெற்றியுடன் 4ம் இடத்திலும், வங்கதேசம், 58.33 சதவீத வெற்றியுடன் 5ம் இடத்திலும், இந்தியா, 48.15 சதவீத வெற்றியுடன் 6ம் இடத்திலும் உள்ளன.