சென்னை: டாஸ்மாக் எம்.டி. உள்பட 5 ஐஏஎஸ் அதிகாரிகள் மாற்றம் செய்யப்பட்டுள்ளனர்.இதுகுறித்து தமிழக தலைமை செயலாளர் முருகானந்தம் நேற்று வெளியிட்டுள்ள உத்தரவு:  ஜெ.இன்னசென்ட் திவ்யா (தொழில்நுட்ப கல்வி ஆணையர்) – தமிழ்நாடு சுற்றுலா வளர்ச்சி கழகத்தின் மேலாண்மை இயக்குனர் மற்றும் ஆணையராக நியமிக்கப்பட்டுள்ளார். தா.கிறிஸ்துராஜ் (தமிழ்நாடு சுற்றுலா வளர்ச்சி கழகத்தின் மேலாண்மை இயக்குனர் மற்றும் ஆணையர்) – தமிழ்நாடு மாநில வாணிக கழகம் (டாஸ்மாக்) மேலாண்மை ஆணையராக நியமிக்கப்பட்டுள்ளார்.

ச.விசாகன் (தமிழ்நாடு மாநில வாணிக கழகம் (டாஸ்மாக்) மேலாண்மை ஆணையர்) – தொழில்நுட்ப கல்வி இயக்குநராக நியமிக்கப்பட்டுள்ளார்.ச.உமா (சிறப்பு திட்ட செயலாக்க துறை கூடுதல் செயலாளர்) – மருத்துவம் மற்றும் மக்கள் நல்வாழ்வு துறை கூடுதல் செயலாளராக நியமிக்கப்பட்டுள்ளார். த.ரத்னா (ஊரக வளர்ச்சி மற்றும் ஊராட்சி துறை கூடுதல் செயலாளர்) – வீட்டுவசதி மற்றும் நகர்ப்புற வளர்ச்சி துறை கூடுதல் செயலாளராக நியமிக்கப்பட்டுள்ளார்.
இவ்வாறு அதில் கூறப்பட்டுள்ளது.