ஆங்கில புத்தாண்டையொட்டி முதல்வர் மு.க.ஸ்டாலினை நேரில் சந்தித்து அமைச்சர்கள், எம்பி., எம்எல்ஏக்கள் வாழ்த்து: திமுக தொண்டர்கள், பொதுமக்களும் வாழ்த்து பெற்றனர்

சென்னை: ஆங்கில புத்தாண்டையொட்டி முதல்வர் மு.க.ஸ்டாலினை நேற்று அமைச்சர்கள், எம்பி, எம்எல்ஏக்கள் நேரில் சந்தித்து வாழ்த்து பெற்றனர். ஆங்கில புத்தாண்டையொட்டி திமுக தலைவர், முதல்வர் மு.க.ஸ்டாலினை நேற்று சென்னை ஆழ்வார்பேட்டையில் உள்ள முகாம் அலுவலகத்தில் திமுக பொதுச்செயலாளர் அமைச்சர் துரைமுருகன் நேரில் சந்தித்து வாழ்த்து தெரிவித்தார்.

இதேபோல பொருளாளர் டி.ஆர்.பாலு எம்பி, துணை பொதுச்செயலாளர்கள் கனிமொழி, ஆ.ராசா, வெள்ளக்கோவில் சாமிநாதன், அமைச்சர்கள் எ.வ.வேலு, எம்.ஆர்.கே.பன்னீர்செல்வம், தங்கம் தென்னரசு, பெரியகருப்பன், ரகுபதி, தா.மோ.அன்பரசன், மா.சுப்பிரமணியன், பி.கே.சேகர்பாபு, ஆவடி நாசர், அன்பில் மகேஷ், எம்பிக்கள் எஸ்.ஜெகத்ரட்சகன், கலாநிதி வீராசாமி, தமிழச்சி தங்கபாண்டியன், வழக்கறிஞர் வில்சன், கிரிராஜன் உள்ளிட்ட எம்பிக்கள், தாயகம் கவி, இ.பரந்தாமன், ஆர்.டி.சேகர்,

ஏ.எம்.வி.பிரபாகர ராஜா, ஜெ.கருணாநிதி, க.சுந்தர், எஸ்.ஆர்.ராஜா, இ.கருணாநிதி உள்ளிட்ட எம்எல்ஏக்கள், முன்னாள் எம்பிக்கள் ஆர்.எஸ்.பாரதி, டி.கே.எஸ்.இளங்கோவன், மாணவர்
அணி செயலாளர் ராஜீவ்காந்தி, திமுக மாற்றுத்திறனாளிகள் அணியின் மாநில தலைவரும், தமிழ்நாடு மாற்றுத்திறனாளிகள் முன்னேற்ற சங்கத்தின் மாநில தலைவருமான ரெ.தங்கம் உள்ளிட்ட ஏராளமானோர் நேரில் சந்தித்து வாழ்த்து பெற்றனர். மேலும் நினைவு பரிசும் வழங்கினர்.

அதேபோன்று தமிழக காங்கிரஸ் தலைவர் செல்வப்பெருந்தகை, முதல்வர் மு.க.ஸ்டாலினை நேரில் சந்தித்து சால்வை அணிவித்து வாழ்த்து பெற்றார். அப்போது, எம்எல்ஏக்கள் ரூபி மனோகரன், ஊர்வசி அமிர்தராஜ், அமைப்பு செயலாளர் ராம்மோகன் ஆகியோர் உடனிருந்தனர்.

இதேபோல காங்கிரஸ் மூத்த தலைவர் பீட்டர் அல்போன்ஸ், தமிழ்நாடு விவசாயிகள் தொழிலாளர்கள் கட்சி தலைவர் பொன்குமார், விசிக எம்எல்ஏ எஸ்.எஸ்.பாலாஜி, மக்கள் விடுதலை கட்சி தலைவர் முருகவேல் ராஜன், திமுக தலைமை செயற்குழு உறுப்பினர் எஸ்.ஏ.கே.சித்திக் உள்ளிட்ட பல்வேறு கட்சி தலைவர்கள், கவிஞர் மனுஷ்யபுத்திரன் ஆகியோர் நேரில் சந்தித்து வாழ்த்து தெரிவித்தனர்.

* புது வெற்றியைத் தேடித் தரவுள்ள திமுகவினருடன் தொடங்கியது புத்தாண்டு
முதல்வர் மு.க.ஸ்டாலின் தன்னை சந்திக்க வந்தவர்களின் புகைப்படம், வீடியோக்களை பகிர்ந்து பதிவு ஒன்றை வெளியிட்டுள்ளார். அதில், ‘‘புது வெற்றியைத் தேடித் தரவுள்ள உடன்பிறப்புகளுடன் தொடங்கியது புத்தாண்டு’’ என்று கூறியுள்ளார்.