அருப்புக்கோட்டை, டிச. 4: அருப்புக்கோட்டை - பந்தல்குடி ரோட்டில் தாலுகா அலுவலகம் உள்ளது. இதன் கட்டுப்பாட்டில் அருப்புக்கோட்டை, பாலையம்பட்டி, பந்தல்குடி, மண்டபசாலை, பரளச்சி ஆகிய பிர்க்காக்களை உள்ளடக்கிய 58 கிராமங்கள்உள்ளன. இங்கு தாசில்தார் தமையில் தலைமையிடத்து துணைதாசில்தார், துணைதாசில்தார், கிராமநிர்வாக அலுவலர்கள், வருவாய் ஆய்வாளர்கள், அலுவலர்கள் பணிபுரிகின்றனர். தாசில்தார் தினமும் 40கி.மி சுற்றளவில் தாலுகாவிற்குட்பட்ட பகுதிகளில் சட்டம் ஒழுங்கு, சமுதாய பிரச்னை, கண்மாய்கள் மற்றும் பொது பிரச்னைகள் குறித்து ஆய்வு செய்ய சென்று வரவேண்டும்.