இதற்கான பணிகளை தமிழக காங்கிரஸ் தலைமை செய்து வருகிறது. இந்நிலையில், வரும் 13ம்தேதி மல்லிகார்ஜூன கார்கே சென்னை வருவதாகவும், முதல்வர் மு.க.ஸ்டாலினை சந்தித்து பேசுவதாகவும், அன்றைய தினம் தொகுதி பங்கீடு இறுதி செய்யப்படும் என்றும் எதிர்பார்க்கப்பட்டது. ஆனால், சென்னையில் காங்கிரஸ் வாக்குச்சாவடி முகவர்கள் கூட்டம் நடத்தும் தேதி இன்னும் இறுதி செய்யப்படவில்லை. இதனால் மல்லிகார்ஜூன கார்கே சென்னை வருகை தள்ளி வைக்கப்படுவதாக தெரிவிக்கப்பட்டுள்ளது. அதாவது, வரும் 18 அல்லது 19ம்தேதி தேனாம்பேட்டை காமராஜர் மைதானத்தில் நடத்த திட்டமிடப்பட்டுள்ளது. ஒவ்வொரு வாக்குசாவடியில் இருந்தும் 3 பேர் இந்த கூட்டத்துக்கு அழைக்கப்பட உள்ளனர். தமிழ்நாட்டை பொறுத்தவரை 76ஆயிரம் வாக்குச்சாவடிகள் உள்ளது. இந்த பணிகளை முடித்து தேதி இறுதி செய்யப்பட்டதும் மல்லிகார்ஜூன கார்கே இந்த கூட்டத்தில் பங்கேற்க சென்னை வருவார். அப்போது முதல்வர் மு.க.ஸ்டாலினை சந்தித்து பேசுவார் என்று தெரிகிறது.
The post கார்கே சென்னை வருகை ஒத்திவைப்பு வாக்குச்சாவடி முகவர்கள் கூட்டம் நடத்த திட்டம் appeared first on Dinakaran.