சென்னை: தமிழக அரசு அறிவித்துள்ள முழு ஊரடங்கு காரணமாக, இன்று மற்றும் மே 2 ஆகிய தேதி ஞாயிற்றுக்கிழமைகளில் இயக்கப்படும் மெமு (முக்கிய தட மின்சார ரயில்) சிறப்பு விரைவு ரயில்கள் சேவை முழுவதுமாக ரத்து செய்யப்படுகிறது. இதுகுறித்து தெற்கு ரயில்வே வெளியிட்ட அறிக்கை:ரயில் எண் (06025) சென்னை எழும்பூரிலிருந்து காலை 6.35 மணிக்கு புதுச்சேரி வரை இயக்கப்படும் மெமு சிறப்பு விரைவு ரயில் ஏப்ரல் 25 மற்றும் மே 2 ஆகிய தேதிகளில் முழுவதுமாக ரத்து செய்யப்படுகிறது.அதைபோன்று ரயில் எண் (06026) புதுச்சேரியிலிருந்து பிற்பகல் 3.35 மணிக்கு சென்னை எழும்பூர் வரை இயக்கப்படும் மெமு சிறப்பு விரைவு ரயில் நாளை மற்றும் மே 2 ஆகிய தேதிகளில் முழுவதுமாக ரத்து செய்யப்படுகிறது.இவ்வாறு அறிக்கையில் கூறப்பட்டுள்ளது.
முழு ஊரடங்கு காரணமாக இன்று மற்றும் மே 2ம் தேதி மெமு சிறப்பு விரைவு ரயில்கள் முழுவதுமாக ரத்து: தெற்கு ரயில்வே அறிவிப்பு
12:36 am Apr 25, 2021 |
