ஐதராபாத்: பாலிவுட் படத்தில் ஹீரோயினாக அறிமுகமாகிறார் ஸ்ரீலீலா. தெலுங்கில் ‘குண்டூர் காரம்’ படத்தில் மகேஷ் பாபுவுடன் நடித்திருந்தார் ஸ்ரீலீலா. இந்த படத்துக்கு பிறகு அவருக்கு பல மொழிகளிலும் வாய்ப்புகள் வரத் தொடங்கியுள்ளன. அஜித்தின் ‘குட் பேட் அக்லி’ படத்தில் 3 ஹீரோயின்களில் இவரும் ஒருவராக இருப்பார் எனத் தெரிகிறது. இதில் நடிப்பது பற்றி இவரிடம் பேச்சு நடக்கிறது. இதற்கிடையில் இப்போது இந்தியிலும் லீலா அறிமுகம் ஆகிறார்.
சைப் அலிகானின் மகன் இப்ராஹிம் அலிகான் நடிக்கும் படத்தை குணால் தேஷ்முக் இயக்குகிறார். இதில்தான் ஸ்ரீலீலா ஹீரோயினாக நடிக்க உள்ளார். தமிழ், தெலுங்கு படங்களில் நடித்தபடி சில தென்னிந்திய நடிகைகள், இந்தியிலும் நடிக்கிறார்கள். அவர்களின் பட்டியலில் லீலாவும் சேர்ந்துள்ளார். இப்படத்துக்கு ‘திலேர்’ என்று பெயர் வைக்கப்பட்டுள்ளது. ஸ்போர்ட்ஸ் படமாக இது உருவாகிறதாம்.
The post பாலிவுட் போகிறார் ஸ்ரீலீலா appeared first on Kollywood News | Kollywood Images - Cinema.dinakaran.com.
