* ஐபிஎல் லீக் சுற்று ஆட்டங்கள் முடிய சரியாக இன்னும் 10 நாட்களே உள்ளன. இந்நிலையில் தர்மசாலாவில் இன்று இரவு நடைபெறும் 58வது லீக் போட்டியில் பஞ்சாப் கிங்ஸ் – டெல்லி கேபிடல்ஸ் அணிகள் மோதுகின்றன.
* இந்த 2 அணிகளும் இதுவரை 33 ஐபிஎல் போட்டிகளில் மோதி இருக்கின்றன.
* அவற்றில் பஞ்சாப் 17, டெல்லி 16 போட்டிகளில் வென்றுள்ளன.
* இந்த போட்டிகளில் அதிகபட்சமாக டெல்லி 231, பஞ்சாப் 202 ரன் குவித்துள்ளன.
* குறைந்தபட்சமாக பஞ்சாப் 104, டெல்லி 67 ரன்னில் இன்னிங்சை முடித்துள்ளன.
* இந்த 2 அணிகளும் கடைசியாக மோதிய 5 போட்டிகளில் டெல்லி 3-2 என்ற கணக்கில் முன்னிலையில் உள்ளது.
* மற்ற அணிகளுடன் கடைசியாக விளையாடிய 5 போட்டிகளில் ஷ்ரேயாஸ் ஐயர் தலைமையிலான பஞ்சாப் அணி, 3ல் வெற்றி பெற்றுள்ளது.
* அக்சர் படேல் தலைமையிலான டெல்லி, கடைசியாக ஆடிய 5 போட்டிகளில், ஒன்றில் மட்டுமே வெற்றி பெற்றது.
* நடப்புத் தொடரில் இரு அணிகளும் இதுவரை தலா 11 லீக் போட்டிகளில் களம் கண்டுள்ளன. அவற்றில் பஞ்சாப் 7-3 என்ற கணக்கிலும், டெல்லி 6 – 4 என்ற கணக்கிலும் வெற்றி, தோல்விகளை பெற்றுள்ளன.
* டெல்லி அணி, தான் ஆடிய முதல் 4 போட்டிகளிலும் வென்று அசத்தியது. அதன் பிறகு ஆடிய 6 போட்டிகளில் 4ல் தோல்விதான் கிடைத்தது. கடைசியாக ஐதராபாத்தில் விளையாடிய போட்டியில் தோல்வியின் விளிம்பில் இருந்த டெல்லியை, சன்ரைசர்ஸ் அணியிடம் இருந்து மழை காப்பாற்றி, ஒரு புள்ளியை பெற்றுத் தந்தது.
The post 58வது லீக் போட்டியில் இன்று வெற்றி தெம்புடன் பஞ்சாப், முறிந்த அம்பாய் டெல்லி appeared first on Dinakaran.
