புதுடெல்லி: நாடு முழுவதும் வாக்காளர் பட்டியலை சரி செய்யும் வகையில் சிறப்பு தீவிர திருத்தப்பணிகளை தேர்தல் ஆணையம் மேற்கொண்டது. பீகார் தேர்தலுக்கு பிறகு நடந்த இந்த திருத்தப்பணியில் 6 மாநிலங்களில் இதுவரை இறுதிப்பட்டியல் வெளியிடப்பட்டுள்ளது. இதில் குஜராத்தில் அதிகபட்சமாக 68 லட்சம் வாக்காளர்கள் நீக்கப்பட்டுள்ளனர். எஸ்ஐஆர் பணிக்கு முன்பு குஜராத்தில் 5,08,43,436 வாக்காளர்கள் இருந்தனர்.
எஸ்ஐஆர் பணிக்கு பிறகு 4,40,30,725 ஆகக் குறைந்துள்ளது இது 13.40% குறைவு ஆகும். 34,25,078 வாக்காளர் நீக்கங்களுடன் மத்தியபிரதேசம் 2வது இடத்தை பிடித்துள்ளது. அங்கு வாக்காளர் எண்ணிக்கை 5,74,06,143 இலிருந்து 5,39,81,065 (-5.97%) ஆகக் குறைந்துள்ளது. ராஜஸ்தானில் வாக்காளர்களின் எண்ணிக்கை 5,46,56,215 இலிருந்து 5,15,19,929 (-31,36,286) ஆகக் குறைந்துள்ளது. சட்டீஸ்கரில் 2,12,30,737 இலிருந்து 1,87,30,914 (-24,99,823) ஆகக் குறைந்துள்ளது.
கேரளாவில் 2,78,50,855 இலிருந்து 2,69,53,644 (-8,97,211) ஆகவும், கோவாவில் 11,85,034 இலிருந்து 10,57,566 (-1,27,468) ஆகவும் குறைந்துள்ளது. யூனியன் பிரதேசங்களில், அந்தமான் மற்றும் நிக்கோபார் தீவுகளில் வாக்காளர்களின் எண்ணிக்கை 3,10,404 இலிருந்து 2,58,040 ஆக (-52,364) குறைந்துள்ளது, புதுச்சேரியில் 10,21,578 இலிருந்து 9,44,211 ஆக (-77,367) குறைந்துள்ளது,
லட்சத்தீவில் 57,813 இலிருந்து 57,607 ஆக (-206) குறைந்துள்ளது. 6 மாநிலங்களில் மொத்தம் 1.70 கோடி வாக்காளர்கள் நீக்கப்பட்டுள்ளனர். நீக்கத்திற்கான காரணங்களில் இறப்பு, நிரந்தர இடமாற்றம், பல பதிவுகள் அல்லது பிற தகுதி சிக்கல்கள் ஆகியவை அடங்கும். என்று அறிவிக்கப்பட்டுள்ளது.
* தமிழ்நாட்டில் 1 கோடி பேர் நீக்கமா?
தமிழ்நாட்டில் எஸ்ஐஆர் பணிக்கு பிறகு இறுதி வாக்காளர் பட்டியல் நாளை வெளியிடப்பட உள்ளது. வரைவு வாக்காளர் பட்டியலில் கிட்டத்தட்ட 1 கோடி வாக்காளர்கள் நீக்கப்பட்டு இருந்தனர். அதே 1 கோடி வாக்காளர்கள் இறுதிப்பட்டியலிலும் நீக்கப்பட வாய்ப்பு உள்ளதாக கூறப்படுகிறது. இதே போல் மேற்குவங்கத்தில் இறுதிப்பட்டியல் பிப்.28ஆம் தேதியும், உபியில் 15.44 கோடி வாக்காளர்களில் 2.89 கோடி வாக்காளர்கள் நீக்கப்பட்டு வரைவு பட்டியல் வெளியிடப்பட்டது. அங்கு ஏப்.10ஆம் தேதி இறுதிப்பட்டியல் வெளியிடப்பட உள்ளது.
