சென்னை, அக். 16: சென்னை வில்லிவாக்கத்தை சேர்ந்த16 வயது சிறுமிக்கும் ராணிப்பேட்டை மாவட்டம், வாலாஜா அடுத்த செங்காடு கிராமத்தை சேர்ந்த சாந்தகுமார் (19) என்பவருக்கும், டிக்டாக் மூலம் பழக்கம் ஏற்பட்டு, காதலாக மாறியது. கடந்த 7 மாதங்களுக்கு முன் சாந்தகுமார், தனது பெற்றோர் சம்மதத்துடன் சிறுமியை திருமணம் செய்து கொண்டார். கடந்த 3 மாதங்களுக்கு முன்பு சிறுமி கர்ப்பமானார். இதனிடையே, சிறுமி வேறு சமூகத்தை சேர்ந்தவர் என்பது தெரிந்ததால், சாந்தகுமாரின் பெற்றோர், சிறுமியை ஏற்க மறுத்துவிட்டனர். இதனால், ஆற்காடு அடுத்த தாமரைபாக்கத்தில் போலி மருத்துவர் பாஷா (38) கிளினிக்கில் சிறுமிக்கு கருக்கலைப்பு செய்துள்ளார்.