திருவில்லிபுத்தூர், டிச. 10:அரசு மருத்துவரிடம் 20 பவுன் நகை பறித்த விவகாரத்தில் வாலிபருக்கு 4 ஆண்டு கடுங்காவல் விதித்து திருவில்லிபுத்தூர் மாவட்ட மகிளா விரைவு நீதிமன்றம் உத்தரவிட்டுள்ளது. ராஜபாளையம் அரசு மருத்துவமனையில் மருத்துவராக பணிபுரிபவர் மேகலா. இவர் கடந்த 19.11.2011 அன்று டூவீலரில் முகவூரிலிருந்து ராஜபாளையத்துக்கு வந்து கொண்டிருந்தார். முகவூர் விலக்கு அருகே வரும்போது, மர்ம நபர்கள் மேகலா கழுத்தில் அணிந்திருந்த சுமார் 20 பவுன் நகையை பறித்து சென்றுவிட்டனர். இது தொடர்பாக சேத்தூர் போலீசார் வழக்குப்பதிவு செய்து சேத்தூர் பகுதியை சேர்ந்த கணேசன், பாண்டி, ராமச்சந்திரன், ராமர், பிரசாந்த் ஆகிய 5 பேரை கைது செய்தனர்.