மதுரை, ஆக. 14: மதுரை அரசு மருத்துவமனையில், புற்றுநோய்க்கான இலவச சிகிச்சை இன்னும் 15 நாட்களில் அளிக்கப்படும் என நீதிமன்ற அவமதிப்பு வழக்கில், ஐகோர்ட் கிளையில் தகவல் ெதரிவிக்கப்பட்டுள்ளது. மதுரை, ஆண்டாள்புரத்தைச் சேர்ந்த கார்த்தி, ஐகோர்ட் மதுரை கிளையில் தாக்கல் செய்த மனு: மதுரை அரசு ராஜாஜி மருத்துவமனையில் ஆண்டுக்கு 50 ஆயிரத்திற்கும் மேற்பட்டோர் புற்று நோய்க்கான சிகிச்சை பெறுகின்றனர். இந்த நோய் தொடர்பாக பல்வேறு பிரிவுகள் இருப்பதால், சிகிச்சைக்கு வருவோரின் எண்ணிக்கை ஆண்டுதோறும் அதிகரிக்கிறது. ஆனால் புற்றுநோயை ஆரம்ப நிலையிலேயே கண்டறிந்து சரிசெய்ய ஸ்ேகன் வசதி மதுரை அரசு மருத்துவமனையில் இல்லை. இந்த வசதி இருந்தால் துவக்க நிலையிலேயே கண்டறிந்து பலரின் உயிரை காப்பாற்ற முடியும். இதனால், தனியார் மருத்துவமனைகளுக்கு செல்ல வேண்டி யுள்ளது. எனவே, மதுரை அரசு மருத்துவமனையில் புற்றுநோய்க்கான ஸ்கேன் கருவியை நிறுவ உத்தரவிட வேண்டும் என மனு செய்தேன்.
இந்த மனுவை விசாரித்த நீதிபதிகள், மதுரை அரசு மருத்துவமனையில் புற்றுநோய் கண்டறியும் ஸ்கேன் கருவியை ஒரு மாதத்திற்குள் நிறுவ வேண்டும் என கடந்த 2017 ஜன.2ல் உத்தரவிட்டனர். ஆனால், இன்று வரை நிறுவவில்லை. எனவே, சுகாதாரத்துறை செயலர், மதுரை அரசு மருத்துவ மனை டீன் ஆகியோர் மீது நீதிமன்ற அவமதிப்பின் கீழ் நடவடிக்கை எடுக்க வேண்டும். இவ்வாறு மனுவில் கூறியிருந்தார்.15 நாட்களில் மதுரை அரசு மருத்துவமனையில் புற்றுநோய்க்கு இலவச சிகிச்சை ஐகோர்ட் கிளையில் தகவல்
