மயாமி: அமெரிக்காவில் நடக்கும் மயாமி ஓபன் டென்னிஸ் தொடரின் மகளிர் ஒற்றையர் பிரிவு காலிறுதியில் விளையாட, கஜகஸ்தானின் எலனா ரைபாகினா தகுதி பெற்றார். 4வது சுற்றில் பெல்ஜியம் வீராங்கனை எலிஸ் மெர்டன்ஸுடன் மோதிய ரைபாகினா 6-4, 6-3 என்ற நேர் செட்களில் வென்றார். இப்போட்டி 1 மணி, 46 நிமிடத்தில் முடிவுக்கு வந்தது. மற்றொரு 4வது சுற்றில் எகடரினா அலெக்சாண்ட்ரோவாவுடன் மோதிய கனடா நட்சத்திரம் பியான்கா ஆண்ட்ரீஸ்கு 6-7 (0-7) என முதல் செட்டை இழந்து பின்தங்கினார். இரண்டாவது செட்டில் அவர் 2-0 என முன்னிலை வகித்தபோது காயம் காரணமாக தொடர்ந்து விளையாட முடியாமல் போட்டியில் இருந்து விலகினார்.