புதுச்சேரி: புதுச்சேரியில் மொத்தமே 8.40 லட்சம் வாக்காளர்கள்தான் உள்ளனர். இது, சோழிங்கநல்லூர் தொகுதியை ஒப்பபிடுகையில் கொஞ்சம்தான் அதிகமாக உள்ளது. இந்திய தேர்தல் ஆணையத்தின் அறிவுறுத்தலின்படி புதுச்சேரி யூனியன் பிரதேசத்தின் திருத்தப்பட்ட இறுதி வாக்காளர் பட்டியலை அங்கீகரிக்கப்பட்ட தேசிய மற்றும் மாநில அரசியல் கட்சிகளின் பிரதிநிதிகளின் முன்னிலையில் புதுச்சேரி கலெக்டரும், மாவட்ட தேர்தல் அதிகாரியுமான வல்லவன் நேற்று வெளியிட்டார். இதனை அனைத்து அரசியல் கட்சியை சேர்ந்த பிரதிநிதிகள் பெற்றுக்கொண்டனர். அதன்படி புதுச்சேரி, மாகே மற்றும் ஏனாம் மாவட்டத்தில் மொத்தம் 8 லட்சத்து 40 ஆயிரத்து 123 வாக்காளர்கள் உள்ளனர்.