சென்னை: சென்னை கோயம்பேடு மார்க்கெட்டுக்கு தமிழகத்தின் பல்வேறு மாவட்டங்களில் இருந்தும் ஆந்திரா, கர்நாடகா, மகாராஷ்டிரா உள்ளிட்ட மாநிலங்களில் இருந்து காய்கறிகள் கொண்டு வரப்படுகிறது. இந்நிலையில், நேற்று காலை காய்கறிகளின் விலை கிடுகிடுவென உயர்ந்தது. ஒரு கிலோ சின்ன வெங்காயம் ரூ.100க்கும், ஊட்டி கேரட் ரூ.80க்கும், ரூ.பெங்களூரு கேரட் 60க்கும், பீன்ஸ் ரூ.25க்கும், பீட்ரூட் ரூ.50க்கும், முருங்கைக்காய் ரூ.70க்கும், வெண்டைக்காய் ரூ.25க்கும், சவ்சவ் ரூ.15க்கும், முள்ளங்கி ரூ.30க்கும், இஞ்சி ரூ.70க்கும் பூண்டு ரூ.130க்கும், பீர்க்கங்காய் ரூ.30க்கும், எலுமிச்சை ரூ.40க்கும், நூக்கல் ரூ.15க்கும், பச்சை மிளகாய் ரூ.50க்கும், சேமகிழங்கு ரூ.30க்கும் சேனைக்கிழங்கு ரூ.25க்கும், பாவக்காய் ரூ.35க்கும், காராமணி ரூ.30க்கும், உஜாலா கத்திரிக்காய் ரூ.30க்கும் வண்ண குடைமிளகாய் ரூ.70க்கும் ஒரு கட்டு கொத்தமல்லி ரூ.4 க்கும் புதினா ரூ.3க்கும் விற்பனையானது. இதுகுறித்து, காய்கறி சிறுமொத்த வியாபாரிகள் சங்க தலைவர் முத்துகுமார் கூறும்போது, ‘வரத்து குறைவு மற்றும் அமாவாசை என்பதால் அனைத்து காய்கறிகளின் விலையும் உயர்ந்துள்ளது.அதேபோல் இன்னும் 2 நாட்களில முகூர்த்த நாள் நெருங்கி வருவதால் மீண்டும் காய்கறிகளின் விலை அதிகரிக்கும்.’’ என்றார்.