நெல்லை: நெல்லை ரயில் நிலையத்தில் ‘பிட்லைனுக்கு’ வந்த பாலக்காடு எக்ஸ்பிரஸ் நேற்று திடீரென தடம் புரண்டது. பயணிகள் இல்லாததால் விபத்து தவிரக்கப்பட்டது. நெல்லை - பாலக்காடு இடையே பாலருவி எக்ஸ்பிரஸ் கடந்த 2018 ஜூலை மாதம் முதல் இயக்கப்பட்டு வருகிறது. பாலருவி எக்ஸ்பிரஸ் 31 நிறுத்தங்களில் நின்று செல்வதோடு, 14 மணி நேரத்தில் 477 கிமீ தூரம் பயணித்து ஆயிரக்கணக்கான மக்கள் பயன்பெறும் வகையில் தினமும் இயக்கப்பட்டு வருகிறது. பாலருவி எக்ஸ்பிரஸ் (எண் 16792) நேற்று அதிகாலை 4.45 மணிக்கு நெல்லை ரயில்வே ஸ்டேஷனுக்கு வந்தது. பயணிகள் அனைவரும் இறங்கிய பிறகு 5.15 மணி அளவில் ‘பிட்லைனுக்கு’ புறப்பட்டு சென்றது.