திருத்தணி: தேசிய ஊட்டச்சத்து மாத விழாவை ஒட்டி நேற்று தி.மு.க. எம்.எல்.ஏ., சந்திரன் விழிப்புணர்வு பேரணியை துவக்கி வைத்தார். தேசிய ஊட்டச்சத்து மாதமாக இம்மாதம் கடைப்பிடிக்கப்படுகிறது. இதையடுத்து திருத்தணி வட்டார ஒருங்கிணைந்த குழந்தைகள் வளர்ச்சி திட்டத்தின் சார்பில், தேசிய ஊட்டச் சத்து மாத விழிப்புணர்வு ஊர்வலம் நேற்று திருத்தணியில் நடந்தது. திருத்தணி வட்டார மருத்துவ அலுவலர் தனஞ்செயலு தலைமை வகித்தார்.