பல்லாவரம்: பல்லாவரம் ரயில் நிலையம் மற்றும் மின்வாரிய அலுவலகம் அருகே ரயில்வே சுரங்கப்பாதை அமைந்துள்ளது. இந்த சுரங்கப்பாதை வழியாக திரிசூலம், பழைய பல்லாவரம், ஜமீன் பல்லாவரம், கீழ்கட்டளை ஆகிய இடங்களுக்கு பொதுமக்கள் சென்று வருகின்றனர். இதேபோல், மேற்கண்ட பகுதிகளில் இருந்து பல்லாவரம் பஸ் நிலையம், மார்க்கெட், மின்வாரிய அலுவலகம், வாரச்சந்தை, மீனம்பாக்கம் உள்ளிட்ட பகுதிகளுக்கு ஏராளமானோர் சென்று வருகின்றனர். இந்நிலையில், சென்னை புறநகர் பகுதிகளில் கடந்த சில நாட்களாக பெய்து வரும் மழையால், இந்த சுரங்கப்பாதையில் தண்ணீர் தேங்கியுள்ளது.