ஜம்மு: ஜம்மு காஷ்மீர் யூனியன் பிரதேசத்தில் விரைவில் சட்டப்பேரவை தேர்தலை நடத்துவதற்கான ஏற்பாடுகளை ஒன்றிய அரசு செய்து வருகிறது. இத்தேர்தலை சந்திப்பதற்காக காங்கிரஸ், பாஜ, ஜம்மு காஷ்மீர் மாநில கட்சிகள் முழுவீச்சில் தயாராகி வருகின்றன. இந்நிலையில், ஜம்மு காஷ்மீரின் காங்கிரஸ் பிரசாரக் குழுவின் தலைவராக குலாம் நபி ஆசாத்தை, கட்சியின் தலைவர் சோனியா காந்தி நேற்று முன்தினம் நியமித்தார். இந்த தகவல் வெளியான சில மணி நேரங்களிலேயே, இந்த பதவியை நிராகரிப்பதாக ஆசாத் அறிவித்தார். மேலும், இந்த செயலுக்கு எதிர்ப்பு தெரிவித்து ஜம்மு காஷ்மீர் காங்கிரஸ் அரசியல் விவகாரக் குழு பொறுப்பையும் ராஜினாமா செய்தார். இது, காங்கிரசில் அதிர்ச்சியை ஏற்படுத்தி உள்ளது.