பூந்தமல்லி: சென்னை அடுத்த ஆவடி பருத்திப்பட்டு பகுதியை சேர்ந்தவர் பாபுரவி. யோகா மாஸ்டர். இவரது மனைவி சரண்யா. இவர்களுக்கு 2 மகன்கள் உள்ளனர். இதில் மூத்த மகன் தர்ஷித் (7) பூந்தமல்லியில் உள்ள தனியார் பள்ளியில் 3ம் வகுப்பு படித்து வருகிறார். சிறுவயதில் இருந்தே தர்ஷித் யோகாசனங்களை கற்று வருகிறார். இந்நிலையில், யோகாசனங்களில் மிகவும் கடினமான ஆசனமான ஓம்கார ஆசனத்தில் உலக சாதனை படைக்கவேண்டும் என தர்ஷித் தீவிர பயிற்சி எடுத்து வந்துள்ளார்.
இந்த நிலையில் பூந்தமல்லியில் தர்ஷித், தலையில் கண்ணாடி டம்ளரில் தண்ணீர் வைத்தவாறு 6.14 நிமிடங்கள் ஓம்கார ஆசனம் செய்து உலக சாதனை படைத்துள்ளார்.