சென்னை: திமுக சட்டத்துறை தலைவர் ஆர்.விடுதலை, செயலாளர் இரா.கிரிராஜன் ஆகியோர் நேற்று வெளியிட்ட அறிக்கை:திமுக வழக்கறிஞர் அணி மாவட்ட, மாநகர அமைப்பாளர்கள் ஆலோசனைக் கூட்டம் வருகிற 29ம் தேதி (ஞாயிற்றுக்கிழமை) காலை 11 மணி அளவில் சென்னை, அண்ணா அறிவாலயத்தில் உள்ள திமுக அலுவலகத்தில் நடைபெற உள்ளது. திமுக அமைப்புச் செயலாளர் ஆர்.எஸ்.பாரதி எம்பி சிறப்புரை ஆற்றுகிறார். இக்கூட்டத்தில் சட்டத்துறை இணைச் செயலாளர்கள்-துணைச் செயலாளர்கள்-தலைமைக் கழக வழக்கறிஞர்கள் ஆகியோர் கலந்து கொண்டு சிறப்பிக்கிறார்கள்.