திருவொற்றியூர்: சென்னை மாநகராட்சி திருவொற்றியூர் மண்டலத்தில் 14 வார்டுகளில் 12 வார்டுகளை திமுக கூட்டணி கைப்பற்றியுள்ளது. இதனால், மண்டலக் குழு தலைவர் பதவி யாருக்கு என்ற பரபரப்பு ஏற்பட்டுள்ளது. நடந்து முடிந்த நகர்ப்புற உள்ளாட்சி தேர்தலில் சென்னை மாநகராட்சி, திருவொற்றியூர் மண்டலத்தில் உள்ள 14 வார்டுகளில் 10 வார்டுகளில் திமுகவும், காங்கிரஸ் மற்றும் கம்யூனிஸ்ட் தலா ஒரு வார்டுகளிலும் வெற்றி பெற்றன. திமுக கூட்டணி மொத்தமாக 12 வார்டுகளை கைப்பற்றியுள்ளது.