ஸ்ரீநகர்: ஜம்மு காஷ்மீரின் அனந்த்நாக் மாவட்டத்தில் நவ்காம் ஷஹாபாத் பகுதியில் தீவிரவாதிகள் பதுங்கி இருப்பதாக பாதுகாப்பு படையினருக்கு தகவல் கிடைத்தது. இதனை தொடர்ந்து நேற்று முன்தினம் இரவு வீரர்கள் அங்கு விரைந்தனர். அப்போது, தீவிரவாதிகள் திடீரென வீரர்கள் மீது தாக்குதல் நடத்தினர். வீரர்கள் நடத்திய பதிலடியில் 3 தீவிரவாதிகள் சுட்டுக் கொல்லப்பட்டனர். மேலும், 3 வீரர்களும், ஒரு போலீஸ்காரரும் காயமடைந்தனர். இவர்கள் மருத்துவமனையில் அனுமதிக்கப்பட்டனர். அங்கு சிகிச்சை பலனின்றி வீரர் ஒருவர் உயிரிழந்தார். இதேபோல், குல்காம் பகுதியில் நேற்று முன்தினம் நடந்த தாக்குதலில் 3 தீவிரவாதிகள் சுட்டுக் கொல்லப்பட்டனர்.