சென்னை: தமிழ்நாட்டில் மார்பகப் புற்றுநோய் பாதிப்பு ஆண்டுதோறும் 4% அதிகரித்து வருகிறது. ஒவ்வொரு 1 லட்சம் பெண்களிலும் 24.7 பேர் பாதிக்கப்பட்டுகின்றனர். மேலும் கடந்த ஆண்டு சென்னையில் 52 பேர் பாதிக்கப்பட்டுள்ளனர் என்று அப்போலோ கேன்சர் இன்ஸ்டிட்யூட்ஸ், மருத்துவ புற்றுநோயியல் நிபுணர் டாக்டர் கலைச்செல்வி கூறினார். அப்போலோ கேன்சர் இன்ஸ்டிட்யூட்ஸ், மருத்துவ புற்றுநோயியல் நிபுணர் டாக்டர் கலைச்செல்வி கூறுகையில்: தமிழ்நாட்டில், மார்பகப் புற்றுநோய் பாதிப்பு ஆண்டுதோறும் சுமார் 4% அதிகரித்து வருகிறது. மாநிலத்தில் உள்ள ஒவ்வொரு 1 லட்சம் பெண்களிலும் 24.7 பேர் தமிழ்நாட்டில் பாதிக்கப்பட்டுள்ளனர்.

2020ம் ஆண்டு சென்னையில் 52 பேர் பாதிக்கப்பட்டுள்ளனர். அரசு மருத்துவமனைகளில், குறிப்பாக கல்வியறிவு இல்லாத மக்களிடையே 50% - 60% வரை முற்றிய நேர்வுகளின் விகிதம் அதிகமாக உள்ளது. 30 முதல் 40 வயதுக்குட்பட்ட இளைய இந்திய பெண்கள் மத்தியிலும் இது அதிகமாகக் காணப்படுகிறது. மிகவும் பொதுவான வகையான டிரிப்பிள்-நெகட்டிவ் மார்பகப் புற்றுநோய் திகழ்கிறது. தமிழகத்தில் மார்பகப் புற்றுநோயின் அதிகரிப்பு, தாமதமான பிரசவம், மன அழுத்தம் மற்றும் நீண்ட வேலை நேரங்கள், மற்றும் தாய்ப்பால், உடல் பருமன் மற்றும் மலட்டுத்தன்மை போன்ற வாழ்க்கை முறை மாற்றம் காரணமாக நிகழ்கின்றன.

மார்பகப் புற்றுநோயை முன்கூட்டியே கண்டறிவதை உறுதி செய்ய 45-49 வயதுக்குட்பட்ட பெண்கள் மத்தியில், இரண்டு வருடங்களுக்கு ஒரு முறையும், 50 முதல் 74 வயதிற்கு உட்பட்ட பெண்களுக்கு இரண்டு ஆண்டுகளுக்கு ஒரு முறையும் மேமோகிராம் பரிசோதனை மேற்கொள்ளப்பட வேண்டும். நாடு முழுவதும் உள்ள என்சிடி கிளினிக்குகள் உட்பட கிடைக்கக்கூடிய மருத்துவ சேவைகளைப் பயன்படுத்த பெண்கள் ஊக்குவிக்கப்பட வேண்டும்.மேலும் முற்றிய அல்லது தாமதமான புற்றுநோய் சிகிச்சையின் மிகப்பெரிய சவால் கீமோதெரபி மற்றும் சிகிச்சை செலவு ஆகியவைகளாகும்.

உயிர்வாழும் விகிதம் மற்றும் ஆயுட்காலம் ஆகியவையும் குறைகின்றன, முற்றிய நேர்வுகளில் 30% பேர் மட்டுமே 5 ஆண்டுகளுக்கும் மேல் உயிர்வாழ்கின்றனர். இந்த அக்டோபர், மார்பக புற்றுநோய் விழிப்புணர்வு மாதத்தைக் குறிக்கிறது,

நோயின் முற்றிய கட்டங்களில் கூட சிகிச்சை விருப்பங்கள் கிடைப்பது குறித்து நோயாளிகள் மற்றும் பராமரிப்பாளர்களிடையே விழிப்புணர்வை ஏற்படுத்த வேண்டிய அவசியம் உள்ளது. நீங்கள் ஒரு முற்றிய நிலை மார்பகப் புற்றுநோய் நோயாளியாக இருந்தால் உங்கள் நோயை நிர்வகிக்கவும், சிக்கலான அறிகுறிகளைப் போக்கவும் மற்றும் மேம்பட்ட வாழ்க்கை மற்றும் பராமரிப்புடன் வாழவும் உங்கள் புற்றுநோய் மருத்துவரிடம் உங்கள் சிகிச்சை விருப்பங்களைப் பற்றி கலந்தாலோசிக்கவும்.