சென்னை: தமிழக மக்கள் நல்வாழ்வுத்துறை நேற்று வெளியிட்ட அறிக்கை: தமிழகத்தில் நேற்று 1,56,804 பேருக்கு கொரோனா பரிசோதனை செய்யப்பட்டது. இதில் 1,669 பேருக்கு பாதிப்பு கண்டறியப்பட்டது. தமிழகத்தில் கொரோனாவால் பாதிக்கப்பட்டோரின் எண்ணிக்கை 26,42,030 ஆக உயர்ந்துள்ளது. மருத்துவமனை மற்றும் வீட்டுத்தனிமை என 16,843 பேர் சிகிச்சை பெற்று வருகின்றனர். நேற்று ஒரே நாளில் மட்டும் 1,565 பேர் கொரோனாவில் இருந்து குணமடைந்துள்ளனர். இதுவரை குணமடைந்தோரின் மொத்த எண்ணிக்கை 25,89,899 ஆக உள்ளது.