சென்னை: எம்.ஜி.ஆர். கழக தலைவரும், முன்னாள் அமைச்சருமான ஆர்.எம்.வீரப்பனின் 95வது பிறந்தநாளை முன்னிட்டு அவருக்கு முதலமைச்சர் மு.க.ஸ்டாலின் மற்றும் திமுக நிர்வாகிகள் நேரில் சந்தித்து வாழ்த்து தெரிவித்தனர். ஆர்.எம்.வீரப்பன் தமிழகத்தில் மூத்த திராவிட அரசியல் தலைவரும், அதிமுக முன்னாள் அமைச்சருமானவர். இவர், எம்.ஜி.ஆர். கழகத் தலைவருமாவார். எம்.ஜி.ஆர், ஜெயலலிதா ஆட்சிக் காலங்களில் அமைச்சராகவும் பதவி வகித்தவர். அதிமுக தலைவராக இருந்தபோதிலும், திமுக தலைவர்களுடனும் நட்பு பாராட்டி வருகிறார்.