ராமநாதபுரம்: ராமநாதபுரத்தில் உள்ள பிரபல பேக்கரி ஒன்றில் இன்று காலை தீ விபத்து ஏற்பட்டது. இதில் சேர், டேபிள்கள் எரிந்து நாசமடைந்தன. ராமநாதபுரத்தில் உள்ள தேவிபட்டினம் சாலையில் கேணிக்கரை சந்திப்பில் பிரபல பேக்கரி உள்ளது. இந்த பேக்கரியில் கடந்த சில நாட்களாக பராமரிப்பு பணி நடந்து வருகிறது. இந்நிலையில் இன்று காலை 6.30 மணியளவில் இந்த பேக்கரியில் வைக்கப்பட்டிருந்த காஸ் சிலிண்டரில் கசிவு ஏற்பட்டு, தீப்பிடித்து எரிய ஆரம்பித்தது. இதனை பார்த்து அங்கிருந்த தொழிலாளர்கள் அலறியடித்தபடி வெளியில் ஓடினர்.