டெல்லி : இந்தியாவில் மே மாதத்தில் மொத்த விலை பணவீக்கம் இதுவரை இல்லாத அளவிற்கு உயர்ந்துள்ளது. மத்திய வர்த்தகம் மற்றும் தொழில்துறை அமைச்சகம் வெளியிட்டுள்ள அறிக்கையில் கடந்த ஆண்டை ஒப்பிடுகையில், நாட்டின் பணவீக்க அளவீடு மே மாதத்தில் 12.94% உயர்ந்துள்ளதாக தெரிவிக்கப்பட்டுள்ளது. ஏப்ரல் மாதம் பணவீக்க அளவீடு 10.5% ஆக இருந்தது. எரிபொருள் மற்றும் மின்சாரம் மீதான பணவீக்கமும் 37.6% ஆக உயர்ந்துள்ளது. மார்ச் மாதத்தில் எரிபொருள் பணவீக்கம் 9.75% உயர்ந்தது. ஆனால் மே மாதத்தில் இது 4 மடங்கு உயர்ந்தது.