தர்மபுரி : தர்மபுரி அருகே, தேசிய நெடுஞ்சாலையோரத்தில் உள்ள மரங்களை, வெட்டும் மர்ம நபர்கள் மீது நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.தர்மபுரி மாவட்டத்தின் வழியாக பெங்களூரு - கேரளா செல்லும் தேசிய நெடுஞ்சாலை செல்கிறது. மாவட்டத்தின் எல்லையாக தொப்பூரும், மாவட்டத்தின் முடிவாக காரிமங்கலம் சப்பானிப்பட்டியும் உள்ளது. இங்கு தேசிய நெடுஞ்சாலையின் இருபுறமும் மரங்கள் வளர்க்கப்பட்டு வருகிறது. சுங்கச்சாவடியை நிர்வகித்து வரும் தனியார் நிறுவனம், மரங்களை பராமரித்து வருகிறது. சாலையின் இருபுறத்தில் மரங்கள் வளர்க்கப்படுவதால், நீண்ட தூரத்தில் இருந்து வரும் பயணிகள், மரத்தடியில் கார்களை நிறுத்தி இளைப்பாறி விட்டு செல்வார்கள்.