சென்னை: அதிமுக கூட்டணியில் பாஜ இடம் பெற்றுள்ளது. அந்த கட்சிக்கு சட்டப்பேரவை தேர்தலில் 20 தொகுதிகள் ஒதுக்கப்பட்டுள்ளது. இந்த தேர்தலில் பாஜ மாநில தலைவர் எல்.முருகன் திருப்பூர் மாவட்டம் தாராபுரத்தில் போட்டியிடுகிறார். அவருக்கு ஆதரவாக பிரதமர் மோடி, அமித்ஷா, ஜே.பி.நட்டா உள்ளிட்ட தலைவர்கள் பிரசாரத்தில் ஈடுபட்டு வருகின்றனர். அவரும் அந்த தொகுதியிலேயே முகாமிட்டு தீவிர பிரசாரத்தில் ஈடுபட்டு வருகின்றார். எல்.முருகன் 2012ம் ஆண்டு சங்கரன்கோவில் தொகுதிக்கு நடந்த இடைத்தேர்தலில் பாஜ சார்பில் களம் இறக்கப்பட்டார். அந்த தேர்தலில் அவர் தோல்வியை தழுவினார். அதாவது அந்த தொகுதியில் அதிமுக சார்பில் போட்டியிட்ட முத்து செல்வி 94,977 வாக்குகள் பெற்று வெற்றி பெற்றார்.