சின்னமனூர்: சின்னமனூர் அருகே குச்சனூர் சனீஸ்வர பகவான் கோயிலில் சனி பெயர்ச்சி விழா இன்று அதிகாலை கோலாகலமாக நடந்தது. இதில் ஏராளமான பக்தர்கள் கலந்து கொண்டனர். தேனி மாவட்டம் சின்னமனூரில் இருந்து 6 கிலோ மீட்டர் தொலைவில் உள்ளது குச்சனூர். இங்குள்ள சுரபி நதிக்கரையில் 500 ஆண்டு பழமைவாய்ந்த சனீஸ்வர பகவான் கோயில் உள்ளது. இங்கு சனிப்பெயர்ச்சி விழா வெகு சிறப்பாக நடைபெறும். இதில் ஆயிரக்கணக்கான பக்தர்கள் கலந்து கொள்வர். சனிப்பெயர்ச்சியையொட்டி கடந்த 3 நாட்களாக யாக வேள்வி நடந்தது.